پسرور بھانجی کا رشتہ ہماری مشاورت سے کیوں نہیں کیا، حقیقی ماموں نے بیٹوں کے ہمراہ بہن کے گھر پر دھاوا بول دیا تشدد اور فاٸرنگ سے بہنوٸی اور بھانجی زخمی پسرور (پاکستان آن لاٸن) نواحی گاٶں اُچا پہاڑنگ میں محمد بوٹا نے اپنے بیٹوں کے ساتھ بہن کے گھر پر دھاوا بول دیا اور ڈنڈے سوٹے اور 12 بور گن کا استعمال کرتے ہوٸے بہنوٸی مقصود احمد اور بھانجی تہمینہ کو شدید زخمی کر دیا۔ زخمیوں کو گورنمنٹ علامہ اقبال ہسپتال سیالکوٹ میں داخل کروا دیا گیا ہے تاہم اس دوران میں ملزمان نے مبینہ طور پر پولیس پر اثرانداز ہو کر اپنی مرضی کی ایف آٸی آر درج کروا لی ہے اور زخمیوں کو ہسپتال سے ڈسچارج کروانے کے لیے دباٶ ڈال رہے ہیں۔ زخمی مقصود احمد نے ڈی پی او سیالکوٹ سے اپیل کی ہے کہ ان کی ایف آٸی آر وقوعہ کے مطابق درج کی جاٸے اور ملزمان کو فوری طور پر گرفتار کر کے قرار واقعی سزا دی جاٸے۔
Post a Comment